Telefonunuzu kilidli unutsanız nə olacaq? Android-in yeni təhlükəsizlik addımı hər kəsi TƏƏCCÜBLƏNDİRDİ!

Google, Android əməliyyat sistemində təhlükəsizlik səviyyəsini artırmaq üçün yeni bir xüsusiyyət təqdim edib. Belə ki, Android-in yeni təhlükəsizlik addımı - əgər cihaz ardıcıl üç gün ərzində kiliddə qalarsa, sistem avtomatik şəkildə yenidən başlayacaq.

Bu yenilik bu həftə Google Play xidmətlərinə əlavə edilən son yeniləmənin bir hissəsidir. "Təhlükəsizlik və Məxfilik" bölməsinə daxil edilən bu funksiya istifadəçilərin xəbəri olmadan işləyəcək və cihazın uzun müddət istifadə edilməməsini əsas götürərək yenidən işə salacaq.

Android- in təhlükəsizlik yenilənməsi

Android-in yeni təhlükəsizlik addımının əsas məqsədi

Hüquq-mühafizə orqanlarının və ya üçüncü tərəflərin telefonlardan məlumat çıxarmasını çətinləşdirməkdir. Belə ki, telefon kilidli və söndürülmüş vəziyyətdə olduqda, daxilindəki məlumatlar tam şifrələnmiş olur. Bu mərhələ texnoloji olaraq “İlk Kilid Açılmadan Əvvəlki Vəziyyət” (BFU – Before First Unlock) adlandırılır. Cihaz bir dəfə açıldıqdan sonra isə bəzi məlumatlar deşifrə olunur və bu, onu daha zəif hala gətirə bilər – bu da “İlk Kiliddən Sonrakı Vəziyyət” (AFU – After First Unlock) kimi tanınır.

Apple bu tip funksiyanı iOS cihazlarında ötən il tətbiq etmişdi və görünür, Google da bu istiqamətdə eyni yanaşmanı tətbiq etməyə başlayıb. Yeni funksiyanın məqsədi barədə Google tərəfindən rəsmi açıqlama verilməsə də, təhlükəsizlik mütəxəssisləri bu addımı mobil cihazların məxfiliyini qorumaq üçün vacib addım kimi qiymətləndirirlər.